ເພງຄຣິດສະຕຽນ “ລາຊະອານາຈັກຂອງພຣະເຈົ້າໄດ້ຖືກສ້າງຕັ້ງຂຶ້ນທ່າມກາງມະນຸດ”
18 ເດືອນເມສາ 2022
ສະຕິປັນຍາຂອງພຣະເຈົ້າມີຢູ່ທຸກບ່ອນເທິງແຜ່ນດິນໂລກ
ແລະ ທົ່ວຈັກກະວານທັງປວງ.
ໃນທ່າມກາງທຸກສິ່ງ ແມ່ນມີໝາກຜົນຈາກສະຕິປັນຍາຂອງພຣະອົງ,
ໃນທ່າມກາງມະນຸດທຸກຄົນ
ແມ່ນເຕັມໄປດ້ວຍພາລະກິດທີ່ດີທີ່ສຸດຈາກສະຕິປັນຍາຂອງພຣະອົງ;
ໃນອານາຈັກຂອງພຣະເຈົ້າ ທຸກສິ່ງແມ່ນຄືກັນໝົດ ແລະ
ທຸກຄົນແມ່ນອາໄສຢູ່ຢ່າງສັນຕິສຸກຢູ່ກ້ອງສະຫວັນຂອງພຣະອົງ
ຄືກັບແກະທີ່ຢູ່ໃນທົ່ງຫຍ້າຂອງພຣະອົງ
ພຣະເຈົ້າເຄື່ອນໄຫວໄປມາຢູ່ເໜືອມະນຸດທຸກຄົນ
ແລະ ກໍາລັງເບິ່ງໄປທົ່ວທຸກບ່ອນ.
ບໍ່ມີສິ່ງໃດທີ່ເບິ່ງຄືເກົ່າ ແລະ
ບໍ່ມີໃຜທີ່ເປັນຄືເກົ່າດັ່ງທີ່ເຂົາເຄີຍເປັນ.
ພຣະເຈົ້າພັກຢູ່ເທິງບັນລັງ, ພຣະອົງອີງຢູ່ເໜືອຈັກກະວານທັງປວງ
ແລະ ພຣະອົງພໍໃຈຫຼາຍ ເນື່ອງຈາກວ່າ
ທຸກສິ່ງໄດ້ຮັບຄວາມບໍລິສຸດຂອງພວກເຂົາກັບຄືນມາແລ້ວ ແລະ
ພຣະອົງສາມາດອາໄສຢູ່ພາຍໃນພູເຂົາຊີໂອນອີກຄັ້ງຢ່າງສະຫງົບສຸກ
ແລະ ຜູ້ຄົນເທິງແຜ່ນດິນໂລກກໍສາມາດດໍາລົງຊີວິດຢູ່ຢ່າງສະຫງົບ
ແລະ ດ້ວຍຄວາມເພິ່ງພໍໃຈພາຍໃຕ້ການນໍາພາຂອງພຣະອົງ.
ທຸກຄົນກໍາລັງຈັດການກັບທຸກສິ່ງໃນກໍາມືຂອງພຣະເຈົ້າ,
ທຸກຄົນໄດ້ຮັບສະຕິປັນຍາ ແລະ
ຮູບລັກສະນະດັ່ງເດີມຂອງພວກເຂົາກັບຄືນມາ;
ໃນອານາຈັກຂອງພຣະອົງ ພວກເຂົາບໍ່ໄດ້ຖືກປົກຄຸມດ້ວຍຝຸ່ນອີກຕໍ່ໄປ
ແລະ ມີແຕ່ຄວາມບໍລິສຸດຄືກັບແກ້ວຢົກ,
ແຕ່ລະຄົນແມ່ນມີໃບໜ້າຄືກັບຜູ້ບໍລິສຸດທີ່ຢູ່ໃນໃຈຂອງມະນຸດ
ຍ້ອນວ່າ ອານາຈັກຂອງພຣະອົງ
ໄດ້ຖືກສ້າງຂຶ້ນແລ້ວໃນທ່າມກາງມະນຸດ.
(ຈາກໜັງສືຕິດຕາມພຣະເມສານ້ອຍ ແລະ ຮ້ອງເພງໃໝ່)
ໄພພິບັດຕ່າງໆເກີດຂຶ້ນເລື້ອຍໆ ສຽງກະດິງສັນຍານເຕືອນແຫ່ງຍຸກສຸດທ້າຍໄດ້ດັງຂຶ້ນ ແລະຄໍາທໍານາຍກ່ຽວກັບການກັບມາຂອງພຣະຜູ້ເປັນເຈົ້າໄດ້ກາຍເປັນຈີງ ທ່ານຢາກຕ້ອນຮັບການກັບຄືນມາຂອງພຣະເຈົ້າກັບຄອບຄົວຂອງທ່ານ ແລະໄດ້ໂອກາດປົກປ້ອງຈາກພຣະເຈົ້າບໍ?
ຊຸດວິດີໂອອື່ນໆ
ແບ່ງປັນ
